Мектеп оқушысы жаңа туған сәбиін мешітке тастап кеткен

Қырғызстанда мешітке бала тастап кеткен әйелдің кім екені белгілі болды, деп хабарлайды Orda.kz. 

Жергілікті басылымдардың мәліметінше, 3 қаңтар күні Қызыл-Қия қаласындағы мешіттердің бірінен жаңа туған нәресте табылған. Баланы жаялыққа мықтап орап, мешіттің ішіне тастап кеткен.

Жергілікті полиция сол күннен бастап іздеу шараларын жүргізді. Нәтижесінде нәрестенің анасы 10 қаңтар күні анықталды. Ол Оразбеков ауылының 16 жастағы тұрғыны екен.

Кәмелет жасына толмаған қыздың үстінен қылмыстық іс қозғалды. Нәрестенің әкесі туралы мағлұмат айтылмады.