Мектеп оқушысы антибиотиктен уланды

Астанада мектеп оқушысы антибиотиктен уланды. Денсаулық сақтау министрлігі тергеу жұмыстары басталғанын мәлімдеді, деп хабарлайды Orda.kz.

Үкімет брифингінде Денсаулық сақтау вице-министрінен Астанада мектеп оқушысының антибиотикпен улану оқиғасы бойынша түсініктеме беруін сұрады.

Оқиға Астанадағы №27 мектепте болды. Медбике балаға 8 таблетка дәрі берген.

"Бұл оқиға бойынша аумақтық департамент қызметтік тергеу жариялады, оның қорытындысы бойынша сіздерге ақпарат береміз. Алғашқы ақпарат (нақты мәлімет) жоқ. Оны жариялаудың мағынасы жоқ, өйткені қызметтік тергеу әлі аяқталған жоқ," – деп жауап берді денсаулық сақтау вице-министрі Ержан Нұрлыбаев.