Мектеп оқушыларын ҰБТ тапсыруға трактормен жеткізген

Журналист Лұқпан Ахмедияров Instagram-дағы парақшасында мектеп оқушыларының тракторда отырған видеосын жариялады. Батыс Қазақстан облысы Бөкейорда ауданы Мұратсай ауылының оқушылары ҰБТ тапсыруға қалаға осылай барған.

Жазба авторы үкімет Батыс Қазақстан облысының бұл ауданына назар аудармайтынын жазды.

«30 жыл Назарбаевтың, соңғы 5 жыл Тоқаевтың саясаты - ескі жаңа Қазақстан. Бейнеде - Бөкей Ордасы, Мұратсай ауылы. Тұрғындардың айтуынша, 11-сынып оқушылары ҰБТ (пробный) тапсыру үшін қалаға бара жатыр. Оларды 18 шқ жердегі трассаға дейін трактормен жеткізген», - деп жазды Лұқпан Ахмедияров.