«Мектеп оқулықтарындағы қателіктер»: Министрлік қандай шара қолданбақ?

Министрлік ұстаздар үшін білім беру құралдары мен оқулық сарапшыларын даярлау курстарын іске қосты.

Бұл туралы Orda.kz хабарлады.

Министрліктің баспасөз қызметінің мәліметінше, «Оқулықтар мен оқу-әдістемелік кешендерге ғылыми-педагогикалық сараптама жүргізу үшін кәсіби құзыреттерді дамыту» курсын 80-нен астам тыңдаушы тәмамдады.

«Жалпы курсқа 581 үміткер өтініш берді. Тестілеу нәтижелері бойынша қорытынды жұмысқа 81 тыңдаушы қабылданды. Өздерінің кәсібилігін көрсетіп, курстың барлық модульдерін сәтті аяқтаған кандидаттарға сертификат берілді»,  делінген баспасөз баянында.

Министрлік тренингтен өткен педагогтардың сарапшылар тізіміне қосылуын күтеді. Болашақта оларды оқулық мазмұнын сараптау қызметіне шақыратын болады.