Мектеп оқушыларына қандай киім киюге тыйым салынды?

Алматы қаласының Білім басқармасы оқушылардың мектепте қалай киінуі керектігін айтты. Олар классикалық стильдің мектеп формасынан айырмашылығын түсіндірді.

Бұл туралы Orda.kz хабарлады.

Журналистердің сұрақтарына Алматы қалалық білім басқармасының басшысы Ләззат Жылқыбаева жауап берді.

– Ең бастысы – ұқыптылық.  Егер біз джинсы киюге болады десек, онда олардың түрлері бар - классикалық немесе жыртылған. Футболкалар да әртүрлі. Сондықтан талап қою қара шалбар (белдемше), жеңіл жейделер. Футболкаға рұқсат берілмеген, - деді ол.

Бұл ретте аяқ киімге қойылатын талаптар жоқ. Егер ата-аналардың аяқ-киім алуға мүмкіндігі болмаса, мектепке кроссовка немесе мокасинмен келуге болады.

Сондай-ақ, сабақ кезінде балалардың маска тағатындары, ал асханада және дене шынықтыру кезінде оны шешетіндері айтылды.

– Асханада әлеуметтік қашықтық қамтамасыз етілетін болады. Ал дене шынықтыруды далада өткізуді жоспарлап отырмыз. Сондықтан маска тақпауға болады, - деп түсіндірді Жылқыбаева.

Толық сыныптарды бөліп оқыту жоспарда жоқ. Олар үлкен кабинеттерде отырады.