Мектеп оқушылары өз қалауларымен онлайн оқи ала ма?

Мектеп оқушылары ата-аналарының өтініші бойынша онлайн оқи алмайды, деп мәлімдеді ҚР Білім және ғылым министрі Асхат Аймағамбетов.

Бұл туралы Orda.kz хабарлады.

Министрге ата-аналардың балаларын мектепке жібермеуге құқығы бар ма деген сұрақ қойылды.

– Жоқ. Балалар дәстүрлі форматта оқиды деген шешім шығарылды. Көптеген студенттер мүмкіндік болса, мүлде оқығылары келмейді, диплом алғылары келмейді. Менің ойымша, көбі дәстүрлі білім берудің қажеттілігін түсінеді. Сарапшылар, ата-аналар мен мұғалімдер қашықтан оқыту дәстүрлі білім берудің шаңына да ілеспейді дегенмен келіседі деп ойлаймын, - деп жауап берді Аймағамбетов.

Бұған дейін премьер-министр Асқар Мамин Қазақстандағы мектептер, колледждер мен университеттер 1 қыркүйектен бастап дәстүрлі білім беру форматына оралатынын айтқан болатын.

Ал Денсаулық сақтау министрі Алексей Цой Қазақстанда жаңа оқу жылына арналған санитарлық ережелерді жариялады.