Мектеп дәретханасы мәселесін шешпеген өңірлерге қатаң ескерту берілді

ҚР Білім және ғылым министрлігі бірқатар облыстардың әкімдіктеріне мектептерге қатысты нұсқауларды орындамаған адамдарға шара қолдану туралы хат жолдады.

Бұл туралы  Orda.kz  хабарлады.

Бұған дейін сырттағы дәретханаларға байланысты мәселелерді шешу, бейнебақылау камераларын, дабыл түймелерін және қауіпсіздік жүйелерінің басқа элементтерімен қамтамасыз ету қажеттілігі ескертілген болатын.

Білім министрлігі мектептерді қаржыландыру, құрылысы мен қажетті жағдайлар жасау, оның ішінде санитарлық талаптардың сақталуы мен қауіпсіздік жүйелерін қамтамасыз ету әкімдіктердің құзырында екенін атап өтті.

Жаңа оқу жылы қарсаңында Білім және ғылым министрлігінің білім сапасын қамтамасыз ету комитеті қызметкерлері республиканың барлық облыстары мен қала әкімдіктерге бағынышты мектептеріне тексеру жүргізді. 

Тексеру барысында Түркістан, Ақтөбе, Алматы, Шығыс Қазақстан, Батыс Қазақстан, Қарағанды, Қостанай облыстары мен Шымкент мектептерінде дәретхананы жылумен қамтамасыз ету бойынша 100% көрсеткішке қол жеткізілмегені анықталды. Бұған дейін үкімет оқу жылы басталғанша мектептердегі барлық сыртқа дәретханаларды жою міндетін қойған болатын. 

Сонымен қатар қолданыстағы жылы дәретханалардың санитарлық талаптарға сәйкестігі туралы сұрақтар да бар. Мәселені шешу бағытында Білім және ғылым министрлігі білім сапасын қамтамасыз ету комитеті санитарлық ережелерге өзгерістер енгізді.

Жергілікті атқарушы органдар қысқа мерзім ішінде 2 600-ден астам жылы дәретхана салған. Дегенмен Алматы, Шығыс Қазақстан және Түркістан облыстарына бейнебақылау камераларын орнату мәселелері әлі күнге дейін толық шешілмеген.