Мектеп аумағынан мұнай табылды

Атырауда Бесікті ауылында мектеп-интернат әкімшілігі аумағынан мұнай табылды.

Бесікті ауылында мектеп-интернат әкімшілігі қара, майлы затты былтыр байқаған. Сұйықтық одан да көп бола бастағандықтан, экология департаментіне жүгінді. Ол жер астынан мол шыға бастады.

«Алғашында ол аз болған, сондықтан біз оны құммен жауып тастадық. Бірақ биыл топырақтан сұйықтық көбейе бастады», – дейді мектеп директоры.

Экологтар бұл затты тазарту жұмыстарын жүргізу үшін әкімдікке хат жолдаған.

«Тексеру қорытындысы бойынша қалалық полиция бөліміне мұнай тектес сұйықтықтың қайдан келгенін анықтау және кінәлілерге шара қолдану туралы хаттар жолданды», – деп хабарлады табиғатты қорғау басқармасының баспасөз қызметі.

Естеріңізге салар болсақ, Батыс Қазақстан облысында Жайық өзенінің жағасынан мұнай қалдықтарының үйіндісі табылған болатын.