«Меккеге жіберуге уәде берген»: имам зейнеткерді сан соқтырды

Жамбыл облысында «Танта баба» мешітінің имамы зейнеткерден қомақты қаражат алып қайтармай қойған, деп хабарлайды Orda.kz. 

Әлеуметтік желіде имам зейнеткерді қажылыққа жіберуге  уәде беріп, алдын ала алған 3 мың долларын қайтармай қойғаны туралы ақпарат тарады. Осылайша имам зейнеткерді қажылық сапарға жібермеген. 

Orda.kz тілшісі Жамбыл облысы әкімдігінің дін істері басқармасына, прокуратураға және ҚМДБ облыс бойынша филиалына түсініктеме беру туралы хат жазды. 

Прокуратураның мәліметінше, бұл іс бойынша арыз жазылып, ҚР ҚК-нің 190-бабы «Алаяқтық» бойынша қылмыстық іс қозғалған. 

ҚМДБ-ның облыс бойынша өкілі ақсақалдан және оның туыстыранын кешірім сұрады. Кеше, 21 қараша күні имам қаражатты толық көлемде қайтарғаны белгілі болды.