Мекке мен Мединаны су басты

Нөсер жаңбыр салдарынан  қасиетті қалалар Мекке мен Мединаны су басты, деп хабарлайды Orda.kz.

Сауд Арабиясына жауған нөсер жаңбырдан кейін Мекке, Медина және Джидда жаппай су тасқынынан зардап шекті.  Көшелерді су басып, өзенге айналды, ал көліктер су астында қалды, деп хабарлайды Daily Mail.

Меккедегі  көліктер толығымен су астында қалды, олардың тек төбелері ғана көрінеді. Джиддада су тасқыны 2009 жылғы апатты еске түсірді, бұл апат 100-ден астам адамның өмірін қиды.

Жергілікті тұрғындар су тасқынынан қашып, көліктерін көшеге тастауға мәжбүр.

Инстаграмда aburasheedblog деген атпен танымал Сауд Арабиясы бойынша қазақстандық гид Равиль Құдайбердиев Мединадағы су шөлге тез ағып кететінін, ал қатты жаңбырдың салдары бірнеше сағат ішінде буланатынын мәлімдеді.