Мейіржан Төребаев колонияға оралды

Қысқа мерзімді демалыстан кейін 27 мамырда Мейіржан Төребаев жазасын өтеу үшін колонияға оралды.

Анасының сырқаттанып қалуына байланысты блогер Мейіржан Төребаев  10 күнге қысқа мерзімді еңбек демалысына жіберілген. 27 мамырда жазасын өтеуге колонияға оралды.

ҚАЖ департаментінің хабарлауы бойынша Төребаев колонияда әмбебап жұмысшы  болып жұмыс істейді.

Дана Есаева өз парақшасында балаларының қалай қуанғандығы және анасының жүрегі баласын көріп тынышталғандығы жайында бөлісті.

Естеріңізге сала кетейік, Төребаев пен Шерниязов Қылмыстық кодекстің 217-бабы «Қаржылық (инвестициялық) пирамида құру және басқару» бойынша айыпталып, Павлодардағы № 44 колонияда жазасын өтеуде.