Мейіржан Төребаев: Полицияда маған тіс қайрап жүрген адам бар

Қаржылық пирамида құрды және соны басқарды деп айыпталған вайнер Мейіржан Төребаев бұл оқиғада өзінің жәбірленуші болғанын алға тартты.

Мейіржан Төребаев финдік пирамидаға шақырған Мudarabah Capital компаниясына сенім артқанын, себебі оның достары болғанын, ал директоры Руслан Бұрқановпен бұрыннан таныс екенін айтты. Ол 3 миллион салық әлі төленбегенін атап өтті.

«2020 жылдың қыркүйегінде мен компанияға 10 млн теңге салдым. Mudarabah Capital-ға сенім арттым, себебі оған менің достарым Мейірхан Шерниязов пен Әзімжан Саидбаев та инвестиция салды. Мен қаржы туралы ештеңе түсінбеймін және достарыма сендім. 2020 жылдың қараша айында маған қосылу және компанияның құрылтайшысы болу ұсынылды, сондықтан мен салымның сенімділігіне күмәнданбадым. Осы уақытқа дейін олар нарықта жарты жыл жұмыс істеді. 2021 жылдың ақпан айында мен құрылтайшылар құрамынан шығуға шешім қабылдадым, бұл туралы компания өкілдеріне ескерттім, бірақ мені ешкім тыңдамады. Олар менің атымды сенімділіктің кепілі ретінде жамылып, адамдарды шақыруды жалғастырды. Руслан Бұрқановпен бұрыннан мейрамхана бизнесімен айналысқан кезден таныспын» деп түсіндірді Төребаев.

Төребаевтың айтуынша, ол инвестиция ретінде салған 10 млн теңгенің 4 млн теңгесі ғана қайтарылған. 2021 жылдың шілдесінде ол жәбірленуші болып танылды, бірақ кейінірек ол «қаржылық (инвестициялық) пирамиданы құру және басқару» бабы бойынша кенеттен күдіктіге айналды.

«Мен полиция департаментінде маған тіс қайрайтын адам бар деп күдіктенемін. Мен туралы түрлі, маған байланысты ақпараттар тарады. Компанияда жеті-сегіз шынымен құрған және ұйымдастырған құрылтайшылар болды, бірақ неге мен? Мен оны құрмадым және ұйымдастырмадым. Адамдар олардың аты-жөнін біледі. Алты ай бұрын арамызда жанжал болды, содан бері ол маған тіс қайрап келе жатыр. Mudarabah Capital компаниясы үлкен компания, бірақ бір қызығы түбінде мен ғана кінәлі екенмін» деп топшылады вайнер.

Төребаевтың айтуынша, ол Мейірхан Шерниязовтан басқа ешкіммен сөйлеспейді және Orda.kz дереккөзі айтқандай Әзімжан Саидбаев шынымен де елден Өзбекстанға қашып кеткен-кетпегенін білмейді.