Мегаполистерде мейрамханалар түнгі екіге дейін жұмыс істейді

Бас санитарлық дәрігердің жаңа қаулысы шыққаннан кейін мегаполистерде Ashyq өту жүйесін қолданатын мейрамханалар мен кафелер саны айтарлықтай өсті.

Бұл туралы Orda.kz хабарлады.

Нұр-Сұлтан мен Алматыда елдің бас санитарлық дәрігері «Ashyq мобильді қосымшасын кәсіпкерлік нысандарына енгізу туралы» жарлыққа қол қойғаннан кейін мейрамханалар мен кафелер арасында Ashyq жобасына қатысушылар саны артты.

ҚР бас санитарлық дәрігерінің соңғы жарлығына сәйкес, Ashyq өту жүйесі арқылы «қызыл» аймақта орналасқан өңірлерде қоғамдық тамақтану орындары сағат 7.00-ден 02.00-ге дейін жұмыс істейді.

Алматы қаласының әкімдігі Ashyq жобасына қатысатын қоғамдық тамақтану орындарының тізімін жариялады.