Медведев: Зеленскийді физикалық тұрғыда «жою» керек

Ресейдің бұрынғы президенті, саясаткер Дмитрий Медведев Украина президенті Владимир Зеленскийді физикалық тұрғыда «жоюды» ұсынды.

Бүгін БАҚ беттерінде Кремльге жасалған дрондық шабуыл туралы ақпарат тараған.

«Бүгінгі лаңкестік әрекеттен кейін Зеленский мен оның тобын физикалық түрде жоюдан басқа амал қалмады. Оған берілу актісіне қол қоюдың да қажеті жоқ. Өздеріңіз білетіндей, оған Гитлер де қол қоймаған», - деп хабарлады Ресей Қауіпсіздік кеңесі басшысының орынбасары telegram-арнасында.

Медведев Мәскеудің Украина ұйымдастырды делінген Кремльге жасалған шабуыл туралы мәлімдемесін осылай түсіндірді.

Зеленский Украинаның шабуылға еш қатысы жоқ екенін және олар қалалар мен ауылдарды қорғау үшін тек өз елінің аумағында қару қолданатынын мәлімдеді.

Ресейлік кей басылымдар шабуыл тікелей Путинге жасалғанын және оның қазір жұмыс орнын уақытша ауыстырғанын жазып жатыр.