Медведев «елін жек көретін сатқындар қайтып келмесін» деді

Қауіпсіздік Кеңесі төрағасының орынбасары Медведев елді жеңіліске үндегендерді ресейлік қоғамның жаулары деп атады.

Оның айтуынша, елін жек көретін, оны жеңіліске, өлімге шақыратын «сатқындарды» қоғам мен мемлекеттің жауы деп санау керек. Бұл туралы Қауіпсіздік кеңесі төрағасының орынбасары Дмитрий Медведев Telegram арнасында мәлімдеді.

— Мұндай адамдарды өмірінің соңына дейін Ресейге қайтаруға болмайды. Олар қандай  болмаса да  біздің елдегі табыс көздерінен толығымен ажыратылуы керек, - деп атап өтті саясаткер.

Оның айтуынша, мұндай адамдарды Ресейге қайтып оралу мүмкіндігінен, сондай-ақ елдегі барлық кіріс көздерінен «ажырату керек».

— Сонымен қатар, оларды қайтару тек «бұрын жасаған істеріне ашық өкіну, ал тиісті жағдайларда рақымшылық жасау арқылы ғана жүзеге асырылуы мүмкін, - деп түйіндеді Медведев.

Бұған дейін Мемлекеттік Дума спикері Вячеслав Володин елден кеткен ресейліктерге берілетін преференцияларды алып тастап, оларға  жоғарылатылған салық енгізу қажет екенін айтқан болатын. Ол елден кеткендер ресейлік компанияларда қашықтан жұмыс істеуді жалғастырып қана қоймай, заңға сәйкес оларға берілген барлық жеңілдіктерді пайдаланып жатқанына ашық ашынды.