Медресенің 16 жастағы тәрбиеленушісі өзінен кіші баланы пышақтап өлтірді

Медресенің 16 жастағы тәрбиеленушісі 14 жастағы баланы пышақтап өлтірді, деп хабарлады Orda.kz. 

Оқиға Қырғызстанның Ноқат ауданындағы ауылдардың бірінде 7 қазанда болған.

Дереккөздің мәлеметінше, 16 жастағы тәрбиеленуші мен одан кіші баланың арасында жанжал болған. Кейін медресе тәрбиеленушісі 14 жастағы балаға пышақ ала жүгірген.

Жәбірленуші ауруханаға барар жолда қайтыс болған.

Құқық қорғау органдары «кісі өлтіру» бабы бойынша іс қозғады. Барлық қажетті сараптамалар тағайындалды. Тергеу жалғасып жатыр.