Медициналық сақтандыру қоры басқарма төрағасының орынбасары 400 млн теңге жымқырды деген күдікке ілінді

Бұл қаражат халыққа медициналық қызмет көрсету үшін бөлінді. Антикор хабарлағандай, ұрлық жүйелі түрде жүргізіліп, Damumed арқылы Өскемен тұрғындарын «тіркеу» арқылы жүзеге асқан, деп хабарлайды Orda.kz.

Іс жүзінде медициналық қызмет көрсетілмеген, отыз мыңнан астам «тіркеу» анықталған.

«Бұдан басқа, ол жеке меншік медициналық мекеменің кәсіпкерлік қызметіне заңсыз қатысқаны және Қордың ұрланған қаражатын заңдастырғаны, соның ішінде қымбат мүлік сатып алу арқылы заңдастырғаны үшін күдікті болып отыр»,  деп хабарлады сыбайлас жемқорлыққа қарсы қызмет. 

 Сот санкциясымен күдікті қамауға алынды. Тергеу жалғасуда, шенеунік пен осы іске қатысты адамдардың басқа да қылмыстық оқиғаларға байланыстылығы тексерілуде. Тергеу мүддесіндегі өзге ақпарат жария етуге жатпайды.

Наурыз айында Антикорда МӘСҚ төрағасының орынбасарына қатысты қылмыстық іс бар екенін растады. Оның есімі аталмады.