Медицина саласы студенттерінің шәкіртақысы жыл сайын 20%-ға  көтеріледі

2022 жылы республикалық бюджеттен 4700 білім гранты бөлінді, оның 1500-і резидентураға тиесілі.

Сондай-ақ, Мемлекет басшысының тапсырмасы бойынша медициналық жоғары оқу орындары студенттерінің шәкіртақысы да айтарлықтай өседі. Мысалы, 2021 жылы ол бакалавриат студенттері үшін екі есе дерлік, интерндер үшін 25%, резиденттер, магистранттар, докторанттар үшін 15% өсті, деп хабарлайды Денсаулық сақтау министрлігі.

— 2025 жылға дейін шәкіртақыны жыл сайын 15% және 20% арттыру жоспарлануда. Бұл жақсы оқуға қосымша серпін болады және біздің университеттерге қосымша  мықты талапкерлерді  тартады, - дейді Денсаулық сақтау министрлігінің Ғылым және адам ресурстары департаментінің директоры Дәулет Алдоңғаров.

Оның айтуынша, 2021 жылдан бастап резидентураға гранттарды бөлу аймақтардан түскен өтініштер бойынша енгізілген. Сонымен қатар, өткен 2022 жылы бюджеттік бағдарлама аясында 4200 дәрігер, оның 138-і шетелде және 2650 медбике үшін оқыту ұйымдастырылды.

Денсаулық сақтау басқармаларының мәліметінше, жергілікті атқарушы органдар есебінен 15 790 дәрігер, оның 209-ы шетелде, 29 мыңнан астам орта медицина қызметкері қосымша білім алды. 2023 жылы тағы  осынша дәрігерлер мен медбикелерді оқыту жоспарлануда.