MediaNet Президентке салық заңнамасын өзгертуге ұсыныс жасады

MediaNet халықаралық журналистика орталығы Қасым-Жомарт Тоқаевтан салық заңнамасын өзгертуді сұрады. 2020 жылы MediaNet орталығы мен бірнеше үкіметтік емес ұйымдарды салық органдары тексерген. Олар бұл тексерісті «саяси қысым» дейді.

MediaNet орталығы атап айтқанда Салық кодексі мен Әкімшілік кодекстен «шетелден қаржыландыруға» қатысты норманы алып тасталуы керек дейді.

Норма алда «азаматтық қоғамға саяси қысым ретінде қолданылуы мүмкін».

«ҮЕҰ жұмысын реттейтін норма артық, онда ақылға қонымсыз жаза бар. Бұл норма алдағы уақытта шетелден ақша алып отырған белгілі бір үкіметтік емес ұйымдарды жазалауға қолданыла ма деп қауіптенеміз»,-  деп жазылған MediaNet хатында.

Еске салсақ, 2020 жылы қарашасында елдегі 13 ҮЕҰ салық органдары тарапынан негізсіз тексеріс жүріп жатқанын хабарлады.

Кейіннен оларға «шетелден алған ақшасына қатысты дұрыс есеп бермеді» деген айып тағылды. Қоғамда осы мәселеге қатысты үлкен дау көтеріліп, артынша әкімшілік істер тоқтатылды.