Медеуде өрт шығып, оны сөндіруге тікұшақ жұмылдырылды

Іле-Алатау саябағы аумағында қураған ағаштардан өрт шығып, қаланың өрт сөндіру қызметтері шұғыл жұмыстар жүргізіп жатыр.

Іле-Алатау саябағы аумағында қураған ағаштардан шыққан өрт тіркелді, өртті сөндіруге «ҚазАвиаҚұтқару» АҚ Ми-171 басқармасы су төгетін құрылғысы жұмылдырылды. Бұл туралы Orda.kz. тілшісіне Алматы қаласы Төтенше жағдайлар департаменті хабарлады.

Медеуде қураған ағаштар пен орман алқабы өртенді. Оқиға орнында ондаған маман жұмыс істеуде, бес техника жұмылдырылған.

«Медеу ауданы, Іле-Алатау МҰТП саябағы, шағын Алматы орман шаруашылығы, 38 орамда қурап қалған ағаштар жатыр. Өрт орнында Іле Алатауы МҰТП 27 қызметкері мен ТЖД-ң 22 қызметкері жұмыс істеп жатыр», - деп хабарлады департамент.

Еске салайық, Петропавлда бір күн бұрын ірі өрт шыққан болатын. Өрт 4-ші қауіптілік дәрежесіне ие болды. Күшті желдің салдарынан өрт жақын маңдағы жеке тұрғын үйлерге тараған. 40 адам эвакуацияланды, оның ішінде тоғыз бала болған.