McDonald's Қазақстаннан кетуі мүмкін - Bloomberg

Қазақстанда азық-түлік жеткізу тізбегінің үзілуіне байланысты әйгілі фастфуд мейрамханалар желісі жабылуы мүмкін

Бұны басылымға аты-жөнін жасырғысы келген дереккөздер хабарлады. Олардың пікірінше, McDonald's-қа ресейлік жеткізушілерден бүкіл франшизаға ет өнімдерін сатып алуға тыйым салу желінің жабылуына әкелуі мүмкін. Еуропадағы жеткізушілерді іздеу қазақстандық желі үшін шығынға айналады.

Аталған қиындықтарға Қайрат Боранбаевтың квазимемлекеттік сектордағы ірі көлемдегі қаражатты жымқыру ісінің де қатысы бар.

Қазақстандағы мейрамханалар желісінің ресми аккаунтындағы 17 қарашадағы соңғы жазбада жұмыстың уақытша тоқтатылғаны айтылған.

«Компания мүмкіндігінше тезірек жұмысын қалпына келтіру үшін бар күш-жігерін салуда. Мейрамханалардың ашылу уақыты кейінірек хабарланады» делінген хабарламада.