Мәжілісте тендерге қатысқан депутаттарды түрмеге отырғызу ұсынылды

Тендерге қатысқан мәслихат депутаттарына қылмыстық жауапкершілік енгізу идеясын саясаттанушы Данияр Әшімбаев ұсынды, деп хабарлайды Orda.kz.

Әшімбаев жергілікті мемлекеттік басқару және өзін-өзі басқару туралы заң жобасын талқылаған мәжілістегі жұмыс тобына өз пікірін білдірді. Саясаттанушы мәслихаттар мен әкімдіктер арасындағы сыбайлас жемқорлық әрекеттерімен күресу қажет деп есептейді.

«Бүкіл Қазақстан бойынша мәслихат депутаттары ештеңе істемейді. Олар тіпті  комиссия төрағаларын да сайлай алмайды, себебі барлығының өз бизнесі бар. Мен мемлекеттік сатып алулар мен жергілікті әкімдіктердің тендерлеріне қатысқаны мәслихат депутаттарына қылмыстық жауапкершілік енгізуді ұсындым. Бәлкім, сонда артық кандидаттар кетіп, депутаттықтан табыс табу үшін емес, шынымен жұмыс істеуге келетін адамдар мәслихатқа сайланатын шығар», - деді ол. 

Сонымен қатар, Данияр Әшімбаев сайлау туралы заңды өзгертуді ұсынды.

«Мәжіліс пен мәслихат сайлауының бір күнде өтетіні біздің мәслихаттарымыздың көзге көрінбей, ың-шыңсыз өте салатынына әкелді. Нәтижелерді екі-үш күннен кейін есептейді және дауыстарды санағанда неше түрлі «қызықтар» болып жатады. Бізге сайлау туралы заңды өзгерту керек, мәслихаттар мен мәжіліс сайлауын бір күнге қоймай, әртүрлі күнге бөліп тастау керек», - дейді депутат. 

Абай облысында ауа райы күрт бұзылып,  жаңбыр, қар, көктайғақ және қатты боран басталды. Облыс аумағында жол қызметтерінің арнайы техникасынан басқа барлық көлік түрлерінің қозғалысына уақытша шектеу қойылды.