Мәжіліс пен сенат депутаттары жазғы демалысқа шықты

Парламент палаталарының бірлескен отырысында VIII шақырылымның үшінші сессиясы ресми түрде жабылды, деп хабарлайды Orda.kz.

Осылайша, депутаттар жазғы демалысқа шықты.

Мәжіліс төрағасы Ерлан Қошанов президент Қасым-Жомарт Тоқаевтың депутаттардың жұмысына оң баға бергенін айтты.

«Жаңа парламенттік мәдениет кезең-кезеңімен қалыптасып келеді. Президент ел игілігі үшін табанды еңбек етіп жүрген, азаматтық және саяси жауапкершілік танытқан депутаттардың жұмысына оң бағасын берді. Келесі сессияда Мемлекет басшысының маңызды тапсырмаларын жүзеге асыруды жалғастырамыз», – деді Ерлан Қошанов.

Келесі сессия қыркүйек айында ашылады.