Мәжіліс депутаты агрессия үшін сөгіс алды

Мәжіліс отырысында депутат Бақытжан Базарбек шенеуніктерден мемлекет меншігіне қайтарылған жайылымдық жерлерді бөлуде заң бұзушылыққа жол берген әкімдердің аты-жөнін атауды тым эмоционалды түрде талап етті.

Бұл үшін оған палата спикері сөгіс жариялады.

Мемлекет меншігіне қайтарылған жерлерді әкімдердің бөлу мәселесі бойынша тиісті ведомство өкілдеріне жүгінген депутат өз эмоциясын баса алмады.

«Нақты есімдерді атауды сұраймын. Егер сіз нақты атауларды айтпасаңыз, ондай әкімдерге ешқандай шара қолданылмайды. Бізде қылмыстық заңнама бар. Есімдерін беріңіз, біз оларды жауапқа тартамыз. Әйтпесе, тіпті өкілдерін қуып жіберуіміз мүмкін»,- деді Бақытжан Базарбек.

Бұған жауап ретінде Мәжіліс төрағасы Ерлан Қошанов  депутаттық этиканы сақтауды еске салды.

«Бақытжан Жұмабекұлы, ең алдымен депутаттық этиканы сақтау керек, сіз агрессивті бола алмайсыз, мен, әрине, қолдамаймын»,- деп жауап берді Ерлан Қошанов.

Соған қарамастан, Ерлан Қошанов мәжіліс депутаты көтерген мәселенің дұрыс екенін атап өтті.