«Мәжбүрлеген»: Әйел асыранды 3 баласын құлдықта ұстаған

cover Фото: freepik.com

Әлеуметтік желіде Ұлытау облысында балаларды қанау туралы ақпарат тараған. Тексеру барысында құзырлы органдар сұмдық жағдайды әшкереледі, деп хабарлайды Orda.kz Ұлытау облысы прокуратурасына сілтеме жасап.

Алдын ала мәлімет бойынша, Р.Ж.Садықова 2018 жылы малшылардың ақысын үнемдеу мақсатында қиын өмірлік жағдайға тап болған кәмелетке толмаған 3 баланы қамқорлығына алған. Олар – 2 ағайынды ұл бала және қыз бала. 

«Р.Ж.Садықова заң талаптарын елемей және қорғаншылық келісім міндеттерін орындамай, балаларды ауыр үй шаруасымен айналысуға, сондай-ақ Жезқазған аумағында металл сынықтарын жинауға мәжбүрлеген» делінген хабарламада.

Балалар айтқанын істемесе Р.Ж.Садықова оларды ұрып-соққан.

Сот шешімімен Р.Ж.Садықова кәмелетке толмағандарды азаптау және қорғаншы өкілеттігін асыра пайдаланғаны үшін кінәлі деп танылып, 4 жылға бас бостандығынан айырылды.

Жаңалықтар

барлық жаңалықтар