Маңғыстау мұнайшылары жаппай жұмыстан босатылды

Маңғыстау кен орнындағы мұнайшылар жұмыстан жаппай қысқарту туралы  жаңа бейне хабарлама жариялады.

Түпқараған ауданындағы Доңға мұнай-газ кен орнында жұмыс істеп жүрген TOTAL E&P Dunga компаниясының 20-ға жуық қызметкері видеохабарлама жариялады, деп жазады Lada.kz. 

Онда олар компания басшылығы оларды мердігер ұйымға бермек ниетте екенін мәлімдейді. Себебі, «TOTAL E & P Dunga» тікелей келісімшарт бойынша жұмыс істейтін қызметкерлерді қысқартады. Кәсіпорын қызметкерлері қысқарту туралы хабарламаны 10 адам алғанын алға тартады.

«Біз осында қалғымыз келеді, өйткені жаңа жерде жұмыс болатынына кепілдік жоқ. Жиналыс өткізіп, қысқарту себебін ашып айтсын. Бұл жағдайда жұмысшылардың құқығы бұзылады. Ел президенті Қасым-Жомарт Тоқаевтан, Премьер-министр Әлихан Смайыловтан, Маңғыстау облысының әкімі Нұрлан Ноғаевтан, облыс прокуроры Руфат Құттықовтан көмек сұраймыз», – дейді мұнайшылар.

Адамдар наразы, олар жаңа жұмыстың жайына  алаңдайды. Мұнайшылар қысқарту себебін түсіндіріп, келешекте жұмысқа орналасуға кепілдік беру үшін жиналыс өткізуді талап етуде. Олар құқықтары бұзылды деп есептеп, ҚР Президентіне, ҚР Премьер-Министріне, Маңғыстау әкіміне және облыс прокурорына көмек сұрап жүгінді.