Маусым айында қазақстандықтар неше күн демалады

Маусым айында мереке көп емес – жаздың алғашқы айында бір ғана ресми мереке бар, ол – Құрбан айт. 2025 жылы Құрбан айт жұма күніне, 6 маусымға сәйкес келеді. Осылайша, қазақстандықтардың 6, 7 және 8 маусымда үш күн демалысы болады, деп хабарлайды Orda.kz.

Осылайша, бес күндік жұмыс аптасында еңбек ететін азаматтар үшін маусым айында 10 демалыс күні болады. Ал алты күндік жұмыс кестесімен істейтіндер үшін – небәрі 6 күн ғана.

Құрбан айт – мұсылмандардың ең басты діни мерекелерінің бірі, Зүл-хижжа айының оныншы күні атап өтіледі. Бұл күні мұсылмандар күн шыққаннан кейін айт намазын оқиды, намаз уақыты күннің шығуына байланысты өзгеріп отырады.

Ол «ораза айттан» кейін 70 күннен соң басталып, 3 күнге созылады. Бұл күндер Меккеге қажылықпен аяқталады. Айт күндері Аллаға арнап құрбандық шалады, мал сояды (жылқыдан басқа). Бұл мұсылмандардың негізгі міндеттерінің бірі. 

Сонымен қатар, маусым айында елімізде бірнеше кәсіби мереке де аталып өтеді, алайда олар ресми мереке саналмағандықтан, демалыс берілмейді:

• 5 маусым – Эколог күні;

• 7 маусым – Монополияға қарсы орган қызметкерлерінің күні;
• 
  9 маусым – Арнайы мақсаттағы бөлімдер әскери қызметшілері мен мемлекеттік органдар қызметкерлерінің күні;
• 15 маусым – Медицина қызметкерлерінің күні;
• 23 маусым – Полиция күні және Мемлекеттік қызметші күні;
• 24 маусым – Судья және сот қызметкерлері күні;
• 28 маусым – Бұқаралық ақпарат құралдары қызметкерлерінің күні.