Мәскеудегі елшілік ғимаратында Сирия оппозициясының туы көтерілді

Мәскеудегі Сирия елшілігі ғимаратында Сирия оппозициясының туы көтерілді, деп хабарлады Orda.kz ТАСС пен РИА Новости-ге сілтеме жасап. 

Жаңа ту — жасыл, ақ, қара түсте. Тудың ортасында 3 қызыл жұлдыз бейнеленген.  Башар Асадтың басқаруындағы Сирияның туы да үш түсті болды. Қызыл, ақ, қара түстердің үстінде екі жасыл жұлдыз болған еді. Бір күн бұрын, 8 желтоқсан күні ғимараттан дипломатиялық миссия қызметкерлері Сирия Араб Республикасының туы мен тақтайшасын алып тастаған. Дүйсенбіде ел өкілдігі штаттық режимде жұмысын жалғастырып жатыр. 

Еске салайық, Кеше, 8 желтоқсан күні Сирияда үкіметке қарсы қарулы топтар ел астанасы Дамаскіні басып алды. Президент Башар Асад елден қашты. Асад режиміне қарсы қарулы топтар жергілікті телеарнадан мәлімдеме жасап, Дамаскіні «азат еткенін» және президент Башар Асад үкіметін  құлатқанын мәлімдеген.  Елден қашқан Башар Асад Мәскеуді паналады. Оның Мәскеуде 20 шақты пәтері бары анықталды.