Мәскеуде сотталған қазақстандық блогер босатылды

Мәскеуде пранк жасағаны үшін үш жарым жылға сотталған блогер Айдын Түсіпов бостандыққа шықты.

Ақмола облысы бойынша Қылмыстық атқару жүйесі департаментінің хабарлауынша, Түсіпов шартты түрде мерзімінен бұрын босатылған.

«Айдын Түсіпов 2023 жылдың 14 қыркүйегінде Ақмола облысындағы қылмыстық-атқару жүйесінің №1 мекемесінен шартты түрде мерзімінен бұрын босатылды. Ол Қарағандыға тұрғылықты жеріне кеткен» деп хабарлады ведомстводан.

Еске салайық, 2021 жылдың наурыз айында қазақстандық блогерлер Хасанов, Түсіпов, Дүмшебай Мәскеуде жүргенде такси шақырып, жүргізуші жүк салғышты ашуға шыққанда блогерлер көлікті ұрлап кеткен болатын. Кейін олар қайтарған, бірақ бұл уақытта такси жүргізушісі полицияға хабарласып үлгерген, ал қазақстандықтар қамауға алынған. Сол жылдың қараша айында Ресей соты қазақстандық жігіттерді үш жарым жылға бас бостандығынан айыру туралы үкім шығарса, бастапқыда топтың құрамында көлік ұрлағаны үшін үштік жеті жылға дейін бас бостандығынан айырылды.