Маск пен америкалық жетекші медиа аккаунттардың ойыны

Бірқатар жетекші америкалық БАҚ аккаунттары, соның ішінде The Washington Post (WP), The New York Times, CNN, Substack және басқа да басылымдар бірнеше күн бұрын бұғатталды. Кеше олард бұқаттаудан құтылды.

The Washington Post нақтылағандай, бұғаттау 14 желтоқсанда қабылданған платформа саясатындағы өзгерістерге байланысты болды. Әлеуметтік желі қолданушыларға біреудің қазіргі орналасқан жерін бөлісуге және мұндай ақпараты бар сайттарға сілтемелерді жариялауға тыйым салынды. Сол күні студент Джек Суинидің парақшалары бұғатталды, онда бірнеше миллиардердің, соның ішінде платформаның иесі Илон Масктың жеке ұшақтарының рейстері туралы жаңартулар жарияланған. WP-де атап өтілгендей, бұғатталған бұқаралық ақпарат құралдарының барлығы осы тақырыпты қозғаған.

Бастапқыда Twitter өкілдері аккаунттарды бұғаттауға қатысты пікір білдірмеді. Ал Илон Маск парақтарда жеке ақпарат немесе оның отбасының орналасқан жері берілгенін түсіндірді.

«Адамның орналасқан жері мен оның жеке мәліметтерін жариялауға тыйым салу туралы ережелер барлық адамдарға қатысты сияқты «журналистерге» де қатысты. Күні бойы мені сынау - бұл қалыпты жағдай, бірақ нақты уақыт режимінде орналасқан жерімді анықтап, отбасыма қауіп төндіруге болмйды»  деп жазды әлеуметтік желі иесі твиттерде.

Бірақ артынша Масктан  пайдаланушыларға медиа-парақшаларды бұғаттаудан босату немесе ашпауды өздері таңдауды ұсынды. Олар көпшілік дауыспен блоктан шығарылды.

Ал, Маск бизнесмендер мен саясаткерлердің ұшуын бақылаған 30 Twitter аккаунтының иесі Джек Суиниді сотқа беремін деп қорқытып отыр. Оның айтуынша, 14 желтоқсан күні кешке Лос-Анджелесте оның ұлы болған  көлігін қуып жеткен есерсоқ біреу «көліктің жолын жауып, капотқа шығып кеткен».