Маск АҚШ-тың Украинаға бөлген  әскери көмегіне таң қалды

Илон Маск АҚШ-тың Украинаға үздіксіз әскери көмек көрсетуі неге әкелетіні туралы айтты.

АҚШ Украинаға әскери көмектің жаңа пакетін жібермек. Жұма күні Пентагон пакет құны 2,1 миллиард доллар екенін айтты. Бұған қосымша әуе қорғаныс жүйелері мен оқ-дәрілер кіреді. Твиттердегі бұл жаңалыққа Макс «бұның соңы немен аяқталады?» деп таң қалды.

«Бұл қалай аяқталады? Өздерінің көргісі келетіні мен шындықты шатастырып алған. Менің айтқым келгені – олар шынайы жағдайдан алшақ», - деді Маск.

Айтпақшы, АҚШ әскери көмектің жаңа пакетін өндірушілерден немесе серіктестердің өздерінен сатып алмақшы. Тізімге Hawk кешендерінің зениттік зымырандары, 105 мм және 203 мм калибрлі артиллериялық снарядтар, Puma ұшқышсыз ұшақтары, лазерлік бағыттау жүйесі бар зымыран жүйелері кіреді. Сонымен қатар, американдық тарап украиндық әскерилерге техниканы дайындау мен жөндеуге көмектесуге де дайын.