Мәсімовтің түрмедегі жағдайы белгілі болды

Қылмыстық-атқару жүйесі комитеті қаңтар оқиғаларынан кейін сотталған бұрынғы күш құрылымдары басшыларының жағдайы туралы айтты.

ҚАЖК бұрынғы қорғаныс министрі Мұрат Бектанов, Алматы және Алматы облысы полиция департаментінің экс-басшысы Серік Күдебаев және Павлодар облысының бұрынғы полиция бастығы Нұрлан Мәсімов жалпы негізде жазасын өтеп жатқанын атап өтті.

Мекеме өкілдерінің айтуынша, сотталғандардың күн тәртібі ішкі тәртіп ережелерімен белгіленген.

Еске салсақ, Мұрат Бектанов қаңтар оқиғалары кезінде өкілеттігін асыра пайдаланғаны үшін 12 жылға бас бостандығынан айырылған.

Серік Күдебаев қаңтар оқиғаларына байланысты күдікті деп танылып, елден қашып, халықаралық іздеуде болған. Оны Түркиядан ұстап, экстрадициялады. Нәтижесінде, экс-полиция басшысы 10 жылға сотталды. 2023 жылдың күзіне қарай Күдебаевтың түрмедегі той фотосуреті қоғамда үлкен резонанс тудырды.

Нұрлан Мәсімов, ҰҚК-нің экс-басшысы Кәрім Мәсімовтың немере інісі, қаңтар оқиғаларынан кейін Павлодар облысының полиция бастығы қызметінен босатылып, кейін жемқорлық ісі бойынша ұсталды. Ол 10 жылға бас бостандығынан айырылды.