Мәсімовтің күйеу баласына Антикор іздеу салды

Бұрынғы Ұлттық қауіпсіздік комитетінің басшысы Кәрім Мәсімовтің күйеу баласы Азамат Қапеновке  іздеу салынды.

Бұл туралы сыбайлас жемқорлыққа қарсы іс-қимыл агенттігі хабарлады.

Ғаламтордағы мәлімет бойынша Қапенов Мәсімовтың үлкен қызына үйленгенін жазады. Ерлі-зайыптылар қаңтардағы оқиғадан кейін мүлкі мен ақшасын үнемдеу мақсатында өтірік ажырасқан деген де болжам бар.

Сыбайлас жемқорлық агенттігінің Қапеновке іздеу салғаны «БИПЭК-Авто» ісіне қатысты болуы мүмкін. Себебі Азамат Қапеновты Шығыс Қазақстан облысындағы Антикор бөлімі іздеп жүргені мәлім болды. Бұған дейін Анатолий Балушкин өз бизнесін жоюдағы бенефициарлардың бірі деп Мәсімовті атаса, Азамат Қапеновті келіссөз жүргізушісі деп айтқан болатын.