Машкевич пен Тоғжановтың видеосы қызу талқыға түсті

Әлеуметтік желіде олигарх Александр Машкевич пен Ақтөбе облысының әкімі Ералы Тоғжановтың құшақтасып келе жатқан видеосы тарады.

Видео Ақтөбедегі қайта қалпына келтірілген Жеңіс аллеясының ашылу салтанатында түсірілген.  8 қарашада Ақтөбедегі Жеңіс аллеясы қайта жөнделіп, халық игілігіне берілген.

«Салтанатты шараға облыс әкімі Ералы Тоғжанов, ERG Директорлар кеңесінің төрағасы Александр Машкевич, ардагерлер мен ықшамауданның тұрғындары қатысты.  Ақтөбе облысы әкімдігі мен ERG арасындағы өзара ынтымақтастық туралы меморандум аясында Жеңіс аллеясын жөндеуге 90 миллион теңгеден астам қаржы бөлінді» делінген Ақтөбе облысы әкімдігі баспасөз қызметінің хабарламасында.

Әлеуметтік желі қолданушылары «екеуі мафия секілді», «халықтан қорықпаса, оққағарлары айналасында көп болмаушы еді» деген пікірлер қалдырды.