Мас прокурор жұрт наразылығын тудырды

Оралда Батыс Қазақстан облысының мамандандырылған табиғатты қорғау прокуроры Абылай Бисқалиев кәсіби этиканы бұзды деген айыптауларға байланысты жанжал шықты.

Прокурордың мас жүрген бейнежазбасын қоғам белсендісі Айболат Бөкенов өзінің facebook парақшасында жариялады.

Бөкеновтың айтуынша, оқиға күндіз болған. Мас прокурор өзін ұстай алмай сенделектеп жүр. Қоғам белсендісі Бисқалиевтің бұған дейін де бірнеше рет заң бұзғанын айтып, оның кәсібилігіне күмән келтірді.

Облыстық прокуратураның баспасөз қызметі Бисқалиевке қатысты қызметтік тергеу жүргізіліп жатқанын растады және оның нәтижесі қоғамға хабарланатынына уәде етті. Егер айыптаулар расталса, бұл оқиға жоғары лауазымды шенеунікті қызметінен босатуға дейін апаруы мүмкін.