Мас полиция басшысы себеп болған жол апатынан бір адам жан тапсырды

Павлодар-Семей тас жолында адам өліміне әкеліп соқтырған оқиғадағы мас жүргізуші полицияның жоғары шенді қызметкері болып шықты. Ақпаратты Ішкі істер министрлігі растады.

Ер адам мемлекеттік мекемелерді қорғау жөніндегі мамандандырылған қызметтің басшысы лауазымында болды.

27 шілде қалааралық тас жолда жол талғамайтын көлік қарсы жолаққа шығып,  «Волга» көлігімен, одан басқа көлікпен соқтығысып, шұңқырға аударылған. «Волга» жолаушысы қайтыс болды.

Күдіктінің үстінен қылмыстық іс қозғалып, ол қамауға алынып, теріс себептермен ішкі істер министрлігі оны қызметінен босатты.