Мас болған павлодарлық туған анасын үйінен қуып шықты

Павлодарлық полиция қызметкерлері туыстары бір-бірімен сыйласа алмай, тәртіп сақшыларын көмекке шақырған жағдайлар күн сайын болып жатқанын хабарлады.

Pavlodarnews.kz хабарлағандай, бұзылған туыстық қатынастарға деген реніштен отбасы-тұрмыстық қатынастар саласындағы құқық бұзушылықтар күрделене түседі.

Полиция қызметкерлері осындай 3800-ден астам фактіні тіркеді.

«Кешке полицияға қарт әйел жүгінді. Оның айтуынша, бірге тұратын ересек ұлы жұмыстан кейін мас келіп, қорлай бастаған. Артынша анасын үйден қуып шыққан. Әжей үйіне кіре алмаған, себебі мас баласы есікті ішен іліп, ұйықтап қалған» деп хабарлады облыстық полиция департаменті.

Қараңғы кіреберісте жалғыз қалған зейнеткер қорқып, тәртіп сақшыларының көмегіне жүгінді.

Көз жасы көл болған әжей халат пен үй шәркесін ғана киіп шығып кеткен.

Полицейлер әжей тұратын пәтердің есігін 15 минуттай қақты. Ақыры ер адам есікті ашқаннан соң, иесі пәтерге кіріп, жылынуға мүмкіндік алды.

Оның ұлына қатысты ҚР ӘҚБК 73-бабы бойынша әкімшілік хаттама толтырылып, ол бес тәулікке дейінгі мерзімге қамауға алынады.

Полицейлер мұндай мінез-құлыққа жол бермеу туралы сөйлескеннен кейін, ер адам қарт анасынан кешірім сұрап, бұған жол бермеуге уәде берді.