Марқұм Гүлмира Кәрімованың орнына жаңа сенат депутаты сайланды

Парламент сенаты депутаттығының бос қалған мандатын иелену үшін Солтүстік Қазақстан облыстық сайлау комиссиясына өзін-өзі ұсыну тәртібімен 7 кандидат құжат тапсырған.

Үміткерлердің екеуі ғана сайлауға түсті. Бірі өз еркімен кандидатурасын қайтарып алса, енді бірі тиісті құжаттарды толық ұсынбаған.

Таңдаушылар Әсем Рахметова мен Рауза Қасенова арасында таңдау жасады. Дауыс беруге СҚО-дағы мәслихаттардың 193 депутатының 180-і қатысты, 13 депутат белгілі себептермен қатыса алмады.

Нәтижесінде таңдау Әсем Рахметоваға түсіп, 180 дауыстың 134-ін иемденді. 6 депутат екі кандидатқа да қарсы болса, 1 бюллетень жарамсыз деп танылды.