Мароккаға визасыз жол ашылды

Қазақстан Мароккомен визасыз режим енгізу мәселесін қарастыруда.

Бұл туралы ішкі істер министрлігі хабарлайды.

«Қазақстан Республикасы Үкіметі мен Марокко Корольдігі Үкіметі арасындағы  төлқұжат иелерін визалық талаптардан босату туралы келісім жобасы мақұлдансын» делінген Қазақстан Үкіметінің қаулысының жобасында.

Келісім жобасына сәйкес, тараптардың бірінің мемлекетінің азаматтары қолданыстағы ұлттық/жалпы төлқұжат негізінде екінші тарап мемлекеті аумағына кіруге, шығуға, транзитке, уақытша болуға визалық талаптардан босатылады.

Мемлекетке кірген уақыттың ұзақтығы олар келген күннен бастап 180 күн ішінде айына 30 күнтізбелік күннен аспауы керек, ал паспорттар  жарамдылық мерзімі аяқталғанға дейін кемінде үш ай бойы жарамды болуы керек.