Марқұм кеншінің әйелі Шахтинскіге шенеуніктердің келуіне «қызу дайындық» жүріп жатқанын айтты

Өткен жылы қайтыс болған кеншінің әйелі Шахтинскке  Астанадан келетін жоғары лауазымды шенеуніктің сапарына орай дайындық «қызу» жүріп жатқанын айтты, деп хабарлайды Orda.kz.

Яна Кашкейдің айтуынша,  Шахтинскіге министр келеді, деп жазады ҚазТАГ. Өткен жылы қайтыс болған кеншінің әйелі қазір «Қазақстан» шахтасында екенін, себебі оның отбасының жақын досы 29 жастағы кенші Артурдың шахта ішінде екенін айтады. Ол таңғы алтыда жұмысқа кеткенін, шахтадан сағат 16.00-де шығуы керек екенін мәлімдеді.

«Менің ойымша, қазір негізгі мәселе осында - бұл жерде дайындық қызу жүріп жатыр, әйтеуір бір қарбалас. Қайтыс болғандардың туыстары отыр, олардың алдында жұмысшылар ары-бері жүгіріп, әр жерді тазалап, техниканы әрі-бері қуып әбігерге түсуде. Тағы да көзбояушылық әрекеттер басталды, мұның бәрін көріп отыру, әрине, қиын», - дейді Яна Кашкей.

Янаның күйеуі Арман 2022 жылы 3 қарашада жер асты 800 метр тереңдікте метан газы бөлініп, кейін өрт шыққан кезде жұмыс істеп жүріп қайтыс болды. Марқұмның артында 4 жасар ұлы қалды. Яна Кашкейдің айтуынша, оның отбасы тоғыз ай бойы әділдік іздеуде, апатқа кінәлілердің жазаланғанын қалайды.

«Егер ешқандай шара қолданылмаса, өткен қайғылы оқиға үшін әлі ешкім жазаланбаған болса, мұның бәрі жалғаса береді, міне, тағы бір жыл өткен жоқ қайталанып жатыр», - деп қосты Яна.

Еске салайық, өткен жылы «АрселорМиттал Теміртау» кәсіпорнындағы кеншілердің қазасы қоғамдағы әлеуметтік шиеленісті күшейткен болатын. Ал бұған дейін кәсіпорындарды жаңғыртуға берілген уәделер, мемлекеттің бірінші тұлғаларының тікелей шахталарға бітпес сапарлары мен жабық есіктің ар жағындағы қатаң сөгістер жағдайды өзгерте алмады.

Кеншілер қаза тауып жатыр, талай отбасы аңырап қалды, дегенмен төгілген қанға қарамастан көмір өндіру жалғасуда.