Марко Рубио Қазақстанға қоңырау соқты

12 наурызда АҚШ мемлекеттік хатшысы Марко Рубио Қазақстанның сыртқы істер министрі, премьер-министрдің орынбасары Мұрат Нұртілеумен телефон арқылы сөйлесті, деп хабарлайды Orda.kz.

Әңгіме барысында тараптар кеңейтілген стратегиялық серіктестіктің қазіргі жағдайы мен болашақ даму бағыттарын талқылап, саяси диалог пен экономикалық ынтымақтастықты нығайту мәселелеріне ерекше көңіл бөлді.

Сонымен қатар, екі елдің сыртқы істер басшылары жаһандық қауіпсіздік пен өңірлік тұрақтылық төңірегінде пікір алмасып, өзара іс-қимылды одан әрі күшейтуге келісті.