Марғұлан Боранбай бостандыққа шықты

«Билікті басып алуға шақырды» деген айып тағылған белсенді Марғұлан Боранбай бостандыққа шықты, деп хабарлайды Orda.kz.

Бұл туралы мәжіліс депутаты Ермұрат Бәпи Facebook парақшасында мәлімдеді.

«Елдің тәуелсіздігін және қазақ халқының абыройын қорғауға тырысқаны үшін төрт жыл түрмеде отырған Марғұлан Боранбай бостандыққа шығып, бауырына сәлем беруге келді. Өткен күзде Серікжан екеуміз батыр Марғұланға колонияға барып, «Саған шартты түрде мерзімінен бұрын босап шығуға көмектесейік» дегенбіз, бірақ ол сол кезде «Мен ешкімнен кешірім сұрайтын ештеңе істеген жоқпын, жазамды толық өтеймін» деп жауап берген еді» деп жазды мәжіліс депутаты.

Бәпидің айтуынша, егер біреу: «қазақ ұлтының шынайы патриоты кім?» деп сұраса, еш ойланбастан «осы Боранбайды көрсетуге» болады.

Сонымен қатар, олар ресейлік саясаткерлердің Қазақстанға қарсы айтқан агрессивті сөздеріне қарсы шығып, Ресеймен интеграциялық байланыстардың күшеюіне қарсылық білдірген. Сондай-ақ олар Ресей әскерінің Украинадағы әрекеттерін де сынға алған еді.