Марат Шоранов денсаулық сақтау бірінші вице-министрі қызметінен босатылды

Марат Шоранов денсаулық сақтау бірінші вице-министрі қызметінен босатылды.

«Үкіметтің қаулысымен Марат Едігеұлы Шоранов басқа жұмысқа ауысуына байланысты Денсаулық сақтау министрлігінің бірінші вице-министрі қызметінен босатылды» делінген хабарламада.

Ол Ө. Жарбосынов атындағы Қазақ мемлекеттік медицина университетін, урология ғылыми орталығын, Эмори университетін бітірген.

2013-2017 жылдары денсаулық сақтау министрлігінде, денсаулық сақтау және әлеуметтік даму министрлігінде басшылық қызметтерде жұмыс істеген.

2017-2019 жылдары – Шығыс Қазақстан облысы денсаулық сақтау басқармасының басшысы болды.

2019 жылы Нұр-Сұлтан қаласы қоғамдық денсаулық сақтау басқармасының басшысы қызметін атқарды.

2020 жылдың маусымынан осы уақытқа дейін денсаулық сақтау министрінің бірінші вице-министрі қызметін атқарды.