Марат Шибұтов: элитаның кадрлық құрамы қалай өзгерді?

Қазақстандық саясаттанушы өткен 2022 жылғы  Үкімет пен әкімдіктердегі кадрлық өзгерістерге талдау жасады.

Қазіргі уақытта үкімет 22 адамнан тұрады, оның ішінде 1 премьер-министр, 4 вице-премьер, 1 президент әкімшілігінің басшысы және 16 министр бар. Оған қоса, қазір ешкім атқармайтын Әділет министрі қызметі де бар. Сонымен қатар, жоғарыда аталғандардың барлығы дерлік Тоқаевтың басшылығы  кезінде  қызмет атқарды.

«Талдап қарайтын болсақ, Тоқаевқа дейін үкімет құрамында Әлихан Смайылов, Дәурен Абаев және Тамара Дүйсенова ғана болған. Бұл 13,6 пайызды құрайды»  деп жазады саясаттанушы өзінің Telegram-арнасында.

Бұл басқа бөлімдерге де қатысты. Жалпы алғанда, басқармалар мен әкімдіктер басшыларының 27,3%-ға жуығы Назарбаев кезінен  бері өз қызметтерін сақтап қалды. Тізімдегілерден басқа Марат Ахметжанов, Серік Жұманғарин және Алтай Көлгіновтер де бар. Қалған 72,7 пайызы вице-министрлерден немесе орынбасарлардан келген, яғни бұл олардың  басшылықтағы алғашқы тәжірибелері.

«Бұл үкіметтің  жасаруы, ал бұл адамдардың көпшілігі сол басқарма орынбасарларынан шыққан, басқа билік тармақтарынан көлген жоқ. Олардың министрлік/әкімдік деңгейіндегі басқармалардың бірінші басшылары ретінде басшылық тәжірибесі аз. Бірақ, екінші жағынан, Тоқаев тұсында саясаткерлер арасында әлеуметтік саты  жұмыс істегені және билік кадрларының жаңаруы болғаны анық, - деп есептейді Шибұтов.

Саясаттанушы 2022 жылдың өзінде қазіргі қызметке 17 адам (2021 жылмен салыстырғанда 8 есе көп) тағайындалған, ал 12 адам Үкімет мүшесі болған (2021 жылмен салыстырғанда 6 есе көп) деген деректер келтіреді.