Марат Сұлтанғазиев Алматы облысының әкімі болды

Алматы облысының әкімі болып  Марат Сұлтанғазиев тағайындалды, бұл туралы тиісті Жарлық Ақорда сайтында жарияланды.

Марат Сұлтанғазиев бұған дейін Қазақстан Республикасы Қаржы министрінің бірінші вице-министрі қызметін атқарған. 1976 жылы Алматы облысында дүниеге келген. Абай атындағы Алматы мемлекеттік университетін, Қазақ мемлекеттік заң академиясын, Т.Рысқұлов атындағы Қазақ экономикалық университетін бітірген.

2018 жылдың қазанынан 2021 жылдың мамырына дейін Қазақстан Республикасы Қаржы министрлігі Мемлекеттік кірістер комитетінің төрағасы болып жұмыс істеді.

2021 жылғы мамырдан 2022 жылғы қаңтарға дейін Қазақстан Республикасы Қаржы вице-министрі қызметін атқарды.

2017 жылғы маусымнан 2018 жылғы қазанға дейін Қазақстан Республикасы Президенті Әкімшілігінің Әлеуметтік-экономикалық мониторинг бөлімі меңгерушісінің орынбасары болды.

2014–2017 жылдары – Қазақстан Республикасы Қаржы министрлігі Мемлекеттік кірістер комитетінің Алматы қаласы бойынша Мемлекеттік кірістер департаментінің басшысы.

Бұған дейін Қанат Бозымбаев 2021 жылдың қарашасынан бастап облыс әкімі болған.