Марат Әйтеновтің адвокаты бұрынғы әйелінің үстінен арыз жазды

Марат Әйтеновтің адвокаты Дана Әтешованың үстінен бірден үш бап бойынша шағым түсіріп жатқанын хабарлады.

Бұл туралы Марат Әйтеновтің адвокаты Facebook  парақшасында хабарлады.

Адвокат сонымен қатар қорғаушыда барлық бейне дәлелдер бар екенін атап өтті.

Бүгін Әйтенов Марат бұрынғы әйелінің үстінен арыз берді: 

1.  Қазақстан Республикасы Қылмыстық кодексінің 108-бабына сәйкес денсаулығына зиян келтіргені үшін.
2.  Қазақстан Республикасы ӘҚБтК-нің 73-бабында көзделген отбасы-тұрмыстық қатынастар саласындағы құқыққа қарсы әрекеттері үшін.
3. Сот шешімі мен атқару құжатын орындамағаны үшін.

Сонымен қатар, Шымкент қаласының экс-әкімінің ағасының адвокаты Марат Әйтенов сот орындаушысының шақыртуымен, сол жерде тек балалардың мүддесі үшін болған. Бұл жерде  қамқоршылық органының өкілдері мен сот орындаушысы болды. Кәмелетке толмағандар ісі жөніндегі полиция инспекторы да қатысты.

«Қазіргі уақытта әлеуметтік желілерде Мараттың балаларды ұрғаны туралы ақпарат тарап жатыр, бұл шындыққа жанаспайды, қорғаныста мұның бәрін дәлелдейтін бірнеше видео бар. Өкінішке орай, балалар бұл жағдайда зардап шегеді, себебі олар манипуляциялық мақсаттарда қолданылады. Сондай-ақ, Марат сот белгілеген балалармен сөйлесу кестесіне сәйкес, 1 шілдеден бастап балалармен бірге болуы керек еді, бірақ анасы сот шешіміне толықтай кедергі келтірді, сондықтан екінші сот орындаушысы қатысты», - деді адвокат.

Естеріңізге сала кетейік, Шымкенттің экс-әкімі Мұрат Әйтеновтің ағасының бұрынғы әйелін күштеп көшіру туралы видео пайда болған еді. Кадрларда ер адамның әйелді шашынан ұстап, үйден сүйреп шыққанын көруге болады.