Марафоншы Марат Жыланбаевтың үйіне тінту жүргізілді

23 мамырда марафоншы Марат Жыланбаевтың үйіне азаматтық киім киген белгісіз адамдар мен полиция келді.

Бұл туралы Азаттық хабарлады.

Олар ешқандай құжат көрсетпестен үйде тінту жүргізген. Қазір ол уақытша ұстау изоляторынан полицияға жеткізілген.

«Мен келгенімде олар үйге кіріп үлгерген. Маған суретке түсіруге тыйым салды», – дейді марафоншының қызы Әзия Жыланбаева.

Марат Жыланбаев 3 мамырда 20 күнге әкімшілік қамауға алынған еді. Оған «бейбіт жиын өткізу тәртібін бұзды» деген айып тағылды.