«Маңғыстаумұнайгазға» жаңа бас директор тағайындалды

«ҚазМұнайГазға»  компаниясының бас директорлығына Қытай азаматы келді, деп хабарлайды Orda.kz.

Әр 3 жыл сайын акционерлік келісім ережелеріне сәйкес жоғары буын басшылары мен бөлімше жетекшілерін ауыстырып тұру көзделген.

«2024 жылдың 2 желтоқсанында кезектілік тәртібі бойынша  «Маңғыстаумұнайгаз» АҚ директорлар кеңесінің шешімімен Маңғыстаумұнайгаздың бас директоры қызметіне Вэнь Цзяцзюнь тағайындалды» делінген хабарламада.  

Вэнь Цзяцзюнь И.М.Губкин атындағы Ресей мемлекеттік мұнай және газ университетін «Пайдалы қазбаларды барлау және геология» мамандығы бойынша техника және технология магистрі дәрежесімен тәмамдаған. Қызметтік жолын 2005 жылы CNDOC компаниясының өндірістік-техникалық бөлімінде инженер болып бастаған. 2005–2024 жылдары «CNPC – Ай Дан Мұнай» АҚ-да түрлі лауазымдарда қызмет атқарған. 2024 жылдың мамыр айынан желтоқсан айына дейін Маңғыстаумұнайгаздың бас директорының бірінші орынбасары қызметін атқарған.