«Маңғыстаудағы жанжал»: Бюджет қаржысын миллиардтап жымқырған мұнай компанияларының басшылары ұсталды

Маңғыстау облысының прокуратурасы мен уәкілетті органдар мұнай-газ саласын тексерген соң, «Ойл Транспорт Корпорейшн» ЖШС-нің бюджеттен миллиардтаған ақша жымқырып отырғаны белгілі болды.

Бұл туралы Маңғыстау облысының прокуратурасы хабарлады.

Аталған компанияның лауазымды тұлғалары бюджет қаражаты есебінен мердігер компанияның шығындарын негізсіз өтеп отырды. Оның жалпы сомасы 700 миллион теңгеден асады. Сонымен қатар, мердігерлерге нақты көрсетілмеген көлік қызметтері үшін 2,2 миллиард теңге алды.

Осы фактілер бойынша 2024 жылғы 10 шілдеде Қазақстан Республикасы Қылмыстық кодексінің 189-бабының 4-бөлігі (аса ірі мөлшерде ұрлау) бойынша сотқа дейінгі тергеу басталды.

2024 жылғы 22 шілдеде «ҚазМұнайГаз» ҰК АҚ еншілес ұйымынан 11 миллион теңге ұрлау фактісі бойынша тағы бір сотқа дейінгі тергеу басталды.

23 шілде 2024 жылы «Ойл Транспорт Корпорейшн» ЖШС-нің бұрынғы басшысы Т. ұсталды. Бұрын басталған тергеу аясында «Ойл Транспорт Корпорейшн» ЖШС-нің өндірістік-техникалық бөлімінің басшысы мен екі мердігер ұйымның өкілі ұсталды.

Еске сала кетейік, бұған дейін «ҚазМұнайГаз» компаниясының да басы дауға қалған болатын. Ол компанияға 539,4 млн теңге көлемінде айыппұл салынды