Маңғыстаудағы мұнай компаниясына 7,8 млн айыппұл салынды

 Маңғыстаудағы «Жалғызтөбемұнай» компаниясы экологиялық заңбұзушылық үшін жауапқа тартылды

Бұл туралы Маңғыстау облысының прокуратурасы хабарлады. 

Маңғыстаудағы «Жалғызтөбемұнай» компаниясына облыстық прокуратура экологиялық заңнаманы бұзғаны үшін айыппұл салды.

«Жалғызтөбемұнай» ЖШС 2024 жылғы 1-11 қаңтар аралығында экологиялық рұқсатсыз мұнай мен серік газды заңсыз өндірумен айналысқан. Прокурорлық тексеру нәтижесінде компания әкімшілік жауапкершілікке тартылып, 7,8 миллион теңге айыппұл салынды.